Tuesday, July 3, 2018

တစ်​မနက်​မှာ အိပ်​ရာက နိုးလာပြီး

သူစိမ်းတစ်​​ယောက်​​ ပိုး​ကောင်​တစ်​​ကောင် တကယ်​ဖြစ်​မလာခဲ့တဲ့ ပါးစပ်​​ပြော ကမ္ဘာပျက်​ကပ်​တစ်​ခုအ​နေနဲ့ ဘဝကို ဆက်​လက်​ ဖြတ်​သန်းရဖို့ ဖြစ်​လာ​မယ်​ ဆိုပါစို့ တဲ့ ။ ဘယ်​သူ​တွေ ဘယ်​လို ​ပြောခဲ့ ​ပြောခဲ့ ​ကြေကွဲကို မ​မေ့နိုင်​ပါဘူး ​၊ အပြင်​မှာ ရွာ​နေတဲ့ မိုး​တွေဟာ ပြီးခဲ့တဲ့ တစ်​​ခေတ်​တစ်​နှစ်​က ရွာရမယ့်​ အစား ရ​ထား​တွေ အချိန်​လွဲ သလို လွဲပြီး ​နောက်​ကျမှ ​ရောက်​လာတာလို့ ​ကြေကွဲ မ​ပြောခဲ့ပါဘူး၊ အဲဒီအစား ​ပျောက်​ပဲ ​ပျောက်​သွားခဲ့တာ ... ဒါ​ပေမဲ့ လူဟာ ကျိန်​စာ​တွေ အိမ်​စာ​တွေနဲ့ ပတ်​သက်​​နေရမယ့်​ အဖြစ်​ကို ငြင်းဆန်​လို့ မရပြန်​ပါဘူးတဲ့ ၊ ​ကြေကွဲဟာ အစအဆုံး ​ပျောက်​ပဲ ​ပျောက်​​နေတယ်​၊ တစ်​ခုခုကြီးသာ တကယ်​ ရှိ​နေရင်​ အဲဒီတစ်​ခုခုဟာ မိုးနဲ့ ပိုး​ကောင်​​တွေနဲ့ ကျိန်​စာ​တွေ အိမ်​စာ​တွေနဲ့ ရှိ​နေရဦးမှာ၊ ခေါင်းထဲမှာ အငွေ့တွေ ၊ ​ခေါင်းထဲက အ​ငွေ့​တွေကို မမြင်​နိုင်​ခဲ့ဘူးဆိုတာကလည်း ရထားအဆူဆူရဲ့ အပြစ်​မှ မဟုတ်​ဘဲ၊ အစုအစည်း​တွေဟာ ခန္ဓာကိုယ်​ထဲ တိုးဝင်​ရှင်​သန်​​နေတာ လူ့အသိုင်းအဝိုင်းတစ်​ခုလုံးက ​ဟောဒီမှာ​ပဲ​လေ...​ကြေကွဲသာ ရှိ​နေရင်​ ကပ်​ဆိုး​တွေ တကယ်​ဖြစ်​မလာခဲ့တာ ဆန်းမှ မဆန်းပဲ ၊ လိုလည်း မလိုအပ်​ဘဲ လို့ ​ပြောမှာပဲ၊ ​ကြေကွဲလည်း တကယ်​ ရှိ​နေရင်​​ပေါ့ တဲ့ ။ ။

- ​ဏေသစ်​
25/06/18

အပြာ​ရောင်​သို့ ​နောက် တစ်ဘဝ

မျက်စိနဲ့ အရသာ မရှိတော့တဲ့ ဘက်ခြမ်းမှာ
နာမည်ပျက်စာရင်းသွင်းခံရတဲ့ မိုးတွေ
ရွာနေုပြီ၊ အပြာရောင်

မင်းအကြိုက်ဆုံး ချောကလက်တွေ
ကုန်သွားချိန်မှာမှ အာကာသခရီးက
အဝေးကြီး

ငါရောက်လာမယ့် အခါ မွှေးမယ့်
သံပုရာတွေလည်း သေနှင့်သွားပြီး
သေတာဟာ အရောင် ၂၇ မျိုးနဲ့
တောက်ပနေတယ်၊ တောက်ပမှုဟာ
မင်း မကြိုက်တဲ့ ချောကလက်တံဆိပ်ပဲ

သေကြောင်းကြံစည်မှုတံဆိပ်နဲ့ ဖျော်ဖြေရေးတွေ
ရောက်လာတယ်။ မင်းတိတ်တဆိတ်
ကြိတ်ရယ်ပြီး အော်ကြီးဟစ်ကျယ် ထိုင်ငိုဖူးတဲ့

Corporation ရုံးခန်းထဲကို ပန်းနုရောင်
လူ အရိုးနမူနာတွေလည်း delivery နဲ့
ရောက်လာတယ်။ မင်းနိမိတ်မြင်မက်ခဲ့တဲ့

တန်ခိုးပြခန်းကို ရေခဲမုန့်ငှက်တွေက
ဝင်ဖျက်ဆီးပြီး၊ လူ့သမိုင်းဟာ
ခုနစ်မိနစ်နဲ့ လေးဆယ့်ရှစ်
စက္ကန့်မှာတင် ပြီးသွားတာ

စက်ယန္တရားကြီးတွေ ငိုသံအူသံကို
ကြားဖူးခဲ့လိုက်တာ မင်းတစ်ယောက်တည်း
မဟုတ်တော့ဘူး အပြာရောင်၊

ဖျားယောင်းနေရင်းက
check mate လို့ ပြောချလိုက်တဲ့

အညှီနံ့ကို ငါ သတိရလာတဲ့ အခါ
ရှင်ပြန်ထမြောက်ဖို့ နီးလာပြီလို့
အရင်လို မင်း ပြောပါ၊ အခု
ဒီမှာ ငါကြောက်နေတဲ့ အချိန်ကာလတွေနဲ့

အချက်လက်ဒေတာတွေပေါ်မှာ ငါတို့ မုန်းပြီး
ငါတို့ကိုလည်း မုန်းတဲ့ နတ်ဒေဝတာတွေ နားနေတာ၊

ပေါက်ကွဲမှူမြင့် ရည်မှန်းချက်နဲ့
ညအိပ်မပျော်ခြင်းကို ချစ်တဲ့ အချစ်

ကျောက်ဖြစ်ရုပ်ကြွင်းတွေ
ရုပ်ထုတွေ လေနဲ့ လွင့်ပျောက်သွားတယ်

အပြာရောင်ရေ၊ မင်းအကြိုက်ဆုံး
ရာဇဝတ်မှုတွေကို ချရေးဖြစ်တုန်းလား
ပြာချဖြစ်ခဲ့တဲ့ မုတ်ဆိတ်တွေလည်း
နှစ်သစ်ကူးပွဲတော်တွေထဲ လျှောက်ရမ်းနေမယ်

လူယောင်ဖန်ဆင်းထားတဲ့
ခေါင်းကိုက်ခြင်းဝေဒနာတွေနဲ့
အဲဒီမှာ မိုးရွာ နေမယ်

ငါတို့ဘက်က တတ်နိုင်တာကလည်း
ကြိုတင်ပြင်ဆင်ထားတဲ့အတိုင်း

အံ့သြပြရုံပဲ မဟုတ်လား

အပြာရောင်ရေ ... ။ ။

- ဏေသစ်
၂၆/၀၃/၂၀၁၈

သူမဟာ ပင်လယ်

သူမဟာ ပင်လယ်
 မှော်ဆန်သော စွန့်ပစ်ပစ္စည်းများနဲ့ 
 ခံစားသူမဲ့ ပေါက်ကွဲမှုရဲ့ ရာဇဝင်
 သမိုင်းဟာ 
လှုပ်ရှားတယ်၊ ရှင်သန်တယ်၊ 
စီးဆင်းတယ် 
 သေတယ်၊ တအိအိ ငိုတယ် 
 တစ်ခုသော ညမှာ 
အိပ်ရာက ကောက်ထလာ
 အဝတ်တွေ ပြန်ဝတ်ပြီး
 နောက်ထပ် နယ်မြေသစ်တစ်ခုဆီ 
သွားဦးမယ့် 
အဝေးကြီးဆိုတဲ့ ပင်လယ် 
 ငါ့ကို ငါးတွေပေးတဲ့ အခါ 
 ငါက ထီးအပေါက်အပြဲတွေ ပြန်ပေးခဲ့
 ငါ့ကို ပုလဲတွေပေးတဲ့ အခါ 
ငါက ပွဲတော် ညတွေအကြောင်း ပြန်ပြောခဲ့
 ငါ့ကို ဒဏ္ဍာရီထဲက ကျောက်တုံးတွေပေးတဲ့အခါ 
 ငါ့ သက်တမ်းထဲက အနည်းငယ်ကို
 ပြန်ခွဲပေးဖို့ ကြိုးစားခဲ့သူပါ 
 ပင်လယ်ဓားပြ အရိုးစုတွေ 
 ရွှေဒင်္ဂါးတွေ၊ မကြည့်ဘဲ ကျော်လိုက်မိတဲ့ 
 ကြော်ငြာတွေ ရေနဲ့ မျောပြီး ပြန် ပါသွားတယ် 
ကျွတ်ထွက်ခဲ့သမျှ သွားတွေကနေ 
အခုပဲ ကြယ် ဖြစ်လာဖို့ ဆုတောင်းကြ 
အရည်ပျော်စ နယ်နိမိတ်တိုင်းဆီက 
 ကိုယ့် နာမည် လှမ်းခေါ်ခံရတဲ့ အဓိပ္ပာယ်ပေါ့
 သဲ တစ်ပွင့်ချင်းဟာ 
 ပြန်ထိစမ်းဖို့ ကြိုးစားလိုက်တိုင်းမှာ 
 အချည်းနှီး ကျွံဝင်သွားစေတဲ့၊ 
ကိုယ်လိုချင်ပေမယ့်
 ကြိုကြိုတင်တင် ငြင်းဆိုထားတဲ့
 အဖြစ်အပျက်တွေ 
နစ်မြုပ်ရတာကိုက ရှင်သန်ခြင်းပဲလို့ 
သူတို့ ပြောတဲ့ အချိန်
 ငါက သူ့ရဲ့နက်ရှိုင်းတဲ့
 ရေအောက်ကြမ်းပြင်မှာ။
 မေ့လျော့ခံရတဲ့ အနံ့အသက်နဲ့
 ပုလင်းတစ်လုံးထဲက 
ဘယ်သူ့ဆီမှ မရောက်တော့မယ့်
 စာ ... 
ဒါပေမယ့် သူမဟာ ပင်လယ် 
 ငါ့ကို အမြဲ သိမ်းဆည်းထားလေတယ်။ ။
 
- ဏေသစ် 

[ဆရာနေမျိုးရဲ့ “ ပင်လယ် “ ဆိုတဲ့ ကဗျာကို ဖတ်ပြီး ပြန်ရေးဖြစ်တာပါ။ မူလကဗျာထဲက ဆင့်ပွားရေးဖြစ်တာ ဖြစ်ပြီး စကားလုံးတော်တော်များများကိုလည်း ပြန် ယူပြီး သုံးထားဖြစ်ပါတယ်။ မူလ ကဗျာက ဒီမှာပါ 
 
ပင်လယ်
---------
သူမဟာ ပင်လယ်

လှုပ်ရှားတယ်၊ ရှင်သန်တယ်၊ စီးဆင်းတယ်
သူမဟာ ပင်လယ်
ငါ့ကို ငါးတွေပေးတယ်
ငါ့ကို ပုလဲတွေပေးတယ်
ငါ့ကို ဒဏ္ဍာရီထဲက ကျောက်တုံးတွေပေးတယ်
ငါ့ကို သဘောင်္ပျက်တွေပေးတယ်
ငါ့ကို ပင်လယ်ဓားပြအရိုးစုတွေပေးတယ်
ရွှေဒင်္ဂါးလည်း နည်းနည်းပေးတယ်။
သူမဟာ ပင်လယ်
ငါ့ကို လူးလာစုန်ဆန်ကူးခတ်စေတယ်။
ရဲဝံစေတယ်။
နယ်မြေသစ်တွေဆီ ရောက်ရှိစေတယ်။
သူမဟာ ပင်လယ်
တစ်နေ့မှာငါ့ကို နစ်မြုပ်စေတယ်
သူ့ရဲ့နက်ရှိုင်းတဲ့ ရေအောက်ကြမ်းပြင်မှာ။
သူမဟာ ပင်လယ်
ငါ့ကို အမြဲ သိမ်ဆည်းထားလေတယ်။

နေမျိုး
အမှတ် ၆၊ ပန်းအလင်္ကာမဂ္ဂဇင်း 
(ကဗျာကို မောင်ဖြိုးဝေ (ကို Phyo Wai Hlaing) wall က ဖတ်ရတာပါ )]

Friday, January 19, 2018

ကိုယ်​သာ အချစ်​ကဗျာဆရာတစ်​​ယောက်​ ဆိုပါ​တော့

ကိုယ်​သာ အချစ်​ကဗျာဆရာတစ်​​ယောက်​ ဆိုပါ​တော့


လို့ စဉ်းစား​နေရပြီဆိုကတည်းက
ကိုယ်​ မဟုတ်​ခဲ့တာကို အတည်​ပြုလိုက်​ရတာပဲ
သင်​သာ အစိုးရဖြစ်​ခဲ့ရင်​ ဆိုတဲ့ လူကြီးဘဝအတွက်​
စာစီစာကုံးမျိုးမှာ တချို့သူ​တွေ မြုပ်​နှံနိုင်​ကြသလို
နီးစပ်​ဖို့ လိုတယ်​၊ လိုတယ်​ ဆို​သေး​တာက
မ​ရောက်​နိုင်​​သေးတာပဲ ၊ ဘုရား​ရေ ... ဘုရားနဲ့
ဘာနဲ့ ဘယ်​​လောက်​​ဝေး​ဝေး​နေပါလိမ့်​လို့
ကိုယ်​ မအံ့သြမိပါဘူး ဘုရား​ရေ
လူ​တွေဟာ ချစ်​ဖို့ အတွက်​ အသက်​ရှင်​​နေကြ
ဆိုတဲ့ အဖွဲ့အနွဲ့​တွေနဲ့ ​ဝေးရ ၊ မျက်​ဝန်းမှာ
အမုန်းပန်း​တွေ ဂမုန်းပန်း​တွေ ဘာ​တွေ။
ဘာသာစကားကို သင်​ကြားတတ်​​မြောက်​လာရခြင်းဟာ
အရှိတရားကို စကားလုံး​တွေ တဆင့်​ခံ
ဆက်​ဆံ​ဝေးကွာလာရခြင်းပဲ ဆိုတဲ့ အ​ကြောင်း
စကားလုံး​တွေနဲ့ ပြန်​​ပြော​နေရတာ​လောက်​
ကြေကွဲစရာ မရှိပါဘူးကွယ်​။ တစ်​​နေရာမှာ
နေ့က​လေးထိန်း​ကျောင်းဝင်း တစ်​ခုထဲ
လူသတ်​သမားဖြစ်​လာမယ့်​ တစ်​​ယောက်​၊
သုံးဖို့ လိုလာ​တော့မယ့်​ ​သေနတ်​နဲ့ အတူ
ဝင်​သွားသွား ၊ ​နောက်​တစ်​​နေရာမှာ
လူမှုစမ်းသပ်​ချက်​တစ်​ခုအတွက်​ ​
လူဘယ်​နှစ်​ဆယ်​နဲ့မှ ဘယ်​နှစ်​​ယောက်​ကို
လူမှားချင်​​ယောင်​ ​ဆောင်​ကြည့်​ရမယ်​
ဆိုတာမျိုး ဖြစ်​ဖြစ်​​ပေါ့။ ကိုယ်​​ပြောမယ်​။
အဲဒီ​နေ့က ကိုယ်​ဟာ ... ဘုရား​ရေ ...
ကို​ယ့်​ကိုယ်​ထဲက တစ်​​ယောက်​​ယောက်​က
စကားလု​ပြော​နေသလို ကြိုးစား​နေတာကို
ကိုယ်​ခံစားရတယ်​။ သက်​​သေပြဖို့ ကိုယ်​
စကားရပ်​လိုက်​တိုင်း
သူလည်း လိုက်​ရပ်​သွား​နေတယ်​။ ။

- ဏသ

အပြအပြည့်​

၁) မှတ်​ဉာဏ်​အ​ကြောင်း

နောက်​ခံပိတ်​ကား အဖြူ​ရောင်​​ဖျော့​ဖျော့​ရှေ့မှ
အဖြူရောင်​ ဝတ်​စုံဝတ်​ထားတဲ့ ​ဖျော့​တော့​တော့
အမျိုးသမီးကြီးတစ်​​ယောက်​ အရွယ်​စုံ၊ ပုံစံစုံ
ကြည့်​မှန်​ချပ်​​တွေကို တစ်​ချပ်​ပြီး တစ်​ချပ်​ ဆွဲထုတ်​ပြီးလာပြလိုက်​ ၊ ပြန်​ထွက်​သွားလို​က်​၊ ​နောက်​မှန်​တစ်​ချပ်​ ထပ်​သယ်​ပြီး ပြန်​လာလိုက်​၊ ​နှေးလိုက်​မြန်​လိုက်​
မှန်​​တွေဟာ ​လေး​ထောင့်​ဖြစ်​လိုက်​ တြိဂံဖြစ်​လိုက်​ စက်​ဝိုင်းဖြစ်​လိုက်​ ဘဲဥပုံဖြစ်​လိုက်​ ​သေးလိုက် ကြီးလိုက်​ ။ ။

အချိန်​အခါ​ကောင်းကို ​စောင့်​စားခြင်း​

Upward  (1929) by Wassily Kandinsky

အချိန်​အခါ​ကောင်းကို ​စောင့်​စားခြင်း​

အချိန်​အခါ​ကောင်းကို ​စောင့်​စားခြင်း​မှာ
မျက်​နှာ ၃ ခု အမြဲတမ်းရှိတယ်​။
 အသံထွက်​တဲ့ ဘက်​၊ အရုပ်​မြင်​ရတဲ့ ဘက်​နဲ့ 

နောက်​တစ်​​နေ့​နေ့ပဲ ။ပထမတစ်​​ခေါက်​က
 ကြေကွဲစရာ​၊ ​နောက်​တခါမှာ ဟာသ။ ရသခံစားမှုနဲ့
ချဉ်းကပ်​ကြည့်​နိုင်​ဖို့ရာ အဖြစ်​အပျက်​​
တွေဟာ ဘာလို့ အလုံအ​လောက်​ မရိုးစင်းရသလဲ။

မြို့မှန်​ရင်​ ​ထောင့်​ချိုးတိုင်းမှာ
လူ​သေေ​ကာင်​ အပိ်ုင်းအစ​တွေ မြုပ်​ထားပြီးသားပဲ။
အလိုအ​လျောက်​ အကာအကွယ်​​ပေးနိုင်​မှုနဲ့
မလုံ​လောက်​တဲ့ အခါ အချိန်​အခါ​ကောင်းရဲ့
အခန်းကဏ္ဍဟာ သိသာထင်​ရှားလာတယ်​။

တစ်​ချိန်​ကျရင်​ သားလည်း လူစွမ်း​ကောင်း
ဖြစ်​လာပြီး မြို့ကို ​စောင့်​​ရှောက်​နိုင်​မှာလားလို
ကောင်​​လေးက ​မေး​တော့ "ဒီထက်​ပိုချင်​လည်း
ပိုမှာ​ပေါ့ " လို့ အ​ဖေက အ​ကောင်းမြင်​

အဆိုးမြင်​ နှစ်​မျိုးလုံး​ရော​နေတဲ့ ​လေသံနဲ့ ပြန်​​ပြောတယ်။
 ​စ​တေးစရာ​တွေ ထပ်​ မကြုံရဖို့အတွက်​​တောင်​
စ​တေးစရာ​တွေ လိုအပ်​​နေဦးမှာပါတဲ့။

အချိန်​အခါ​ကောင်းဟာ အ​ဖြေမဟုတ်​ဘူး
အချိ်​န်​အခါ​ကောင်းဟာ ​မေးခွန်းပဲ ။ ။

- ​ဏေသစ်​
14/12/2017



ဂူအယ်လ်တာ


  အသက် သုံးဆယ်မတိုင်ခင်ထိတော့ ကျုပ်လည်း အေးအေးလူလူ၊ ဖြောင့်ဖြောင့်မှန်မှန်နဲ့ နေခဲ့တာပဲ။ ကျုပ်ရဲ့ အတ္ထုပတ္တိကိုက အဲဒီလိုပဲ လို့တောင် ဆိုရမယ်။ ပြီးတော့ ကြီးကောင်ဝင်စအရွယ်တုန်းက စာအုပ်တွေမှာ ဖတ်ခဲ့ဖူးပေမယ့် အခု မေ့မေ့ပျောက်ပျောက်ဖြစ်နေတဲ့ ဇာတ်ကောင်တွေ ကျုပ်ဘဝမှာ ပြန်ပေါ်လာတယ်ဆိုတာမျိုးလည်း မကြုံဖူးဘူး။ ကုန်ကုန်ပြောရရင်ဗျာ .. တခြားသူတွေ ဘဝမှာဆိုရင်တောင် ဒီဇာတ်ကောင်တွေ ပြန်ပေါ်လာတာ မကြုံဖူးဘူး။ ကြားတော့ ကြားဖူးတာပေါ့လေ၊ လူငယ်ဘဝတုန်းက ကိုယ်နဲ့ နာမည်တူ တစ်ယောက်ယောက်နဲ့ ကြုံလာတဲ့ အခါမျိုးမှာ ဖြစ်တည်မှုဆိုင်ရာ အကျပ်အတည်းကို ခဏလောက်တော့ ခံစားရတဲ့အကြောင်း (ဥပမာ - ကျုပ်သူငယ်ချင်း  ရာဖာဇာဇာ ဆိုရင် သူ့ကို တခြား ရာဖာဇာဇာတစ်ယောက်နဲ့ မိတ်ဆက်ပေးခံရတုန်းက သူ့ရဲ့ ဖြစ်တည်နေမှုကို သံသယဝင်ခဲ့မိတယ် ဆိုပဲ) ။ ဒါပေမယ့် ကျုပ် ကိုယ်ကျုပ်တော့ ဖြူဖတ်ဖြူရော်ဖြစ်နေတဲ့ ဝီလျံဝယ်လ်ဆင် ၊ ဒါမှ မဟုတ် ဒရာမာ အချိုးအကွေ့မပါတဲ့ ဒိုရီယံဂရေး ပုံတူ တစ်ယောက် ဖြစ်လာမယ်လို့ မထင်ထားဘူး ။ သူ့ရဲ့ ဟိုက်ဒ်က နောက်ထပ် ဂျက်ကေးလ်တစ်ယောက် ပြန်ဖြစ်နေတဲ့ ဒေါက်တာဂျက်ကေးလ်အဖြစ် အသွင်ပြောင်းသွားမယ် လို့လည်း မထင်ထားဘူးလေ။