SLIPKNOT - PSYCHOSOCIAL
" အိမ်က ငါ့အပေါ် သောက်ရမ်းအလိုလိုက်တာ
ငါကသာ တာဝန်မကျေခဲ့တာ "
သူငယ်ချင်း တစ်ယောက်က ပြောဖူးသည်။
မှတ်မှတ်ရရ သူ ရေထဲခုန်ချ သေကြောင်းမကြံစည်သွားခင်
သုံးလေးလ အလိုက ဖြစ်ပါလိမ့်မည်။
ကျွန်တော်တို့တတွေ အတွင်း ဖိသိပ်သိမ်းဆည်းထားသော
အညွန့်တလူလူ သူရဲကောင်းစိတ်ဓာတ်များသည်
လမ်းသွယ်များတွင် လျှံတက်အိုင်ထွန်းနေသော
မိုးရာသီ မြောင်းရေများလို ပြန်မကျ ကောင်းပါ။
သို့သော် ...................................................။
ကျောခင်း၍ ပစ်လှဲအိပ်လေ့ရှိရာ
သံမံတလင်း၏ ပတ်ကြားအက်များကြားမှ
နှင်းဆီအပွင့် မပါဘဲ ရိုးတံနှင့် ဆူးသက်သက်များ
ထိုးထွက် မြင့်တက်လာ၏။
ကျွန်တော်တို့ ဖြစ်စေချင်သည်မှာလည်း
ဤအတိုင်းပင် ဖြစ်သည်။ ။
(၂၀၁၄ နိုဝင်ဘာ)
GREEN DAY - 21st Century Breakdown
ခြောက်ခြားဖွယ်ရုပ်ရှင်တွေထဲက
ပျော်ပွဲစားထွက်ကြသူ ချာတိတ်တစ်စုဟာ
ငါတို့ ဖြစ်လာတယ်
တယ်လီဗေးရှင်းတွေပေါ်မှာ
အစစ အရာရာကို တည်ဆောက်ထားတယ်
ချစ်လှစွာသော မြို့ပြဟာ
နေရောင်အောက်မှာ စက်ဝိုင်းပုံ ရှိပြီး
မိုးချုပ်လာတာနဲ့
ဘာဖြစ်သွားမှန်း ဘယ်သူမှ
မသိကြတော့ဘူး
အရွယ်ရောက်ပြီးသူတိုင်း လွတ်လပ်စွာ
ရိုကျိုးပိုင်ခွင့်ရှိတယ်
လိုအပ်လာရင် မျက်နှာဖုံးစွပ် မပါဘဲ
အသက်အောင့်ရဲကြတယ်
ငါတို့ မျိုးဆက်ပြီးရင်
နောက်ထပ်လာမှာလည်း
ငါတို့မျိုးဆက်ပါပဲ ။ ။
(၂၀၁၅ ဇန်နဝါရီ)
My Chemical Romance – Cancerတစ်ဖက်လှည့်သွားလည်း နောက်သုံးလေးဘူတာအထိဒီမျက်နှာကိုပဲ မြင်ယောင်နေမယ်လို့မပြောဖြစ်အောင် တမင်နေတယ်ဇာတ်လမ်းသဘောအရ လိုအပ်တာထက်ကောင်းကင်ဘုံဟာ ပိုမိုမြင့်မြတ်နေဖို့လိုကို လိုတယ်။ အိမ်ကို ပြန်လာတဲ့ လူနဲ့အိမ်ကို ပြန်ရောက်တဲ့သူကြားက ကွာခြားချက်ကိုတော့အခုလိုပဲ မှတ်ထားပေး။ လက်ညှိုးသေနတ်နဲ့ချိန်လိုက်ရုံနဲ့ ငှက်အုပ်တွေ ထ ပျံသွားတာအရိပ်ဟာ နံရံကို ကွေးကောက်စေခဲ့တာဘယ်အရာကမှ တိုက်ဆိုင်မှုမဟုတ်ခဲ့ဘူး
မနက်ဖြန်မှာ ပြန်လာပါ့မယ်အဲဒီလို ပြောနိုင်ခဲ့ချင်ပါတယ်။ ။(၂၀၁၅ ဇူလိုင်)
AVENGED SEVENFOLD - Dear God
စက္ကူဖိ ဖန်လုံးထဲက
အဖြူရောင် အခိုးအငွေ့တွေကြားမှာ
တွဲလောင်းဆိုင်းကျနေတဲ့
ဆွဲကြိုးချအနေအထား ဘိုမရုပ်ကလေး။
ဓာတ်လှေကားဟာ အထပ်တိုင်းမှာ
တံခါးပွင့်လာပေမယ့် ဘယ်သူမှ
တကယ်ရှိမနေခဲ့ဘူး
ဆိုတာ အလွတ်ရပြီးသား အိပ်မက်ဆိုးပဲ
လို့ လက်တွေ့ဘဝထဲက
အတင်းအကြပ် မေ့ဖျောက်ယူလိုက်ရတာ
အပြစ်တွေကို ပြန်ပေးတဲ့နည်းနဲ့သာ
အပြစ်ပေးပါလှည့်
အိပ်ရာဝင်ဖို့ မီးမှိတ်လိုက်တိုင်း
"ငါ့ကြောင့်ပါ ... ငါ့ကြောင့်" စသဖြင့်
တစုံတယောက်ဟာ တဖွဖွ ရေရွတ်နေပါလိမ့်မယ်။ ။
(ဇွန် ၂၀၁၅ မှာ ရေးဖြစ်။ ဇူလိုင်မှာ တစ်ကြောင်းထပ်ဖြည့်)
FUN - Carry On
တစ်နေ့မှာ သူ့စော်က မေးလာတယ်
"ငါတို့ ဘယ်လောက်ကြာကြာ မြဲမယ် ထင်လဲ"
မြင်ကွင်းထဲမှာ လူတစ်ယောက်
မီးခြစ်ဆံတွေကို င်္မီးခတ် ညှိပြီး
ရေထဲ ပစ်ချနေတယ်
တစ်ချောင်းပြီး တစ်ချောင်း။
သူ ပြန်ဖြေမိမယ့် "မသိဘူး" နဲ့
ကောင်မလေး နားလည်မယ့် " မသိဘူး" ကြား
ဘယ်လောက်ကွာခြားမယ် မသိတဲ့ အတွက်
တိတ်တိတ်နေဖြစ်သွားတယ်။
တစ်နည်းမဟုတ် တစ်နည်းနဲ့တော့
ဆက်သွားနေရမယ် မဟုတ်လား
နောက်တစ်နေ့ကျတော့
သူ ရခဲ့ဖူးသမျှ ဆုတံဆိပ်တွေကို
ဗီရိုထဲကနေ ထုတ်ပြီး
အိတ်တစ်လုံးထဲ ပြောင်း ထည့်တယ်
ပြီးတော့လည်း အိတ်ကို
ရထားတစ်စီးပေါ် တင်ပေးလိုက်တာပါပဲ။ ။
(၂၀၁၅- ဇန်နဝါရီ)
HOLYWOOD UNDEAD - We Are
တစ်ခုခုကို ပြောမလို လုပ်ပြီးမှ
ဘာမှ မပြောဘဲ လှည့်ထွက်သွားတဲ့ အမူအရာမျိုးကို ငါတို့
ကျွမ်းကျင်ခဲ့ရပါပြီ။ ဘယ်သူ ရှိဦးမှာလဲ ... ငါတို့ပဲလေ ... ငါတို့
ပေါ့။ ငါတို့ရဲ့ မမီလိုက်တဲ့ ရထားတွေမှာ ငါတို့ မသိလိုက်တဲ့ ငါတို့ရဲ့
တစိတ်တပိုင်းတွေဟာ ပါသွားနှင့်ပြီလို့ အချိန်ပြည့်ခံစားနေရတာဟာ
အချိန်ပြည့်။ အချိန်ပိုင်းအနေနဲ့ ၊ ထိခိုက်နစ်နာစရာ
ဇာတ်ရုပ်တွေမှာ ငါတို့ လူစားဝင် သရုပ်ဆောင်တယ်။ အချိန်ပြည့်
အနေနဲ့ အဲဒီအချိန်ပိုင်းတွေကို ခဏခဏ ငါတို့ ပြန်ကြည့်တယ်။
အားလပ်ချိန်ပျော်ရွှင်မှု အနေနဲ့ တပ်ဆင်ထားခြင်း မရှိသေးတဲ့
ဖုန်းတွေကို ငါတို့ ဆက်ကြတယ်။ အဲဒီမှာ စိတ်သက်သာရာ တစ်ခုခု
ရှိတယ်လို့ ယုံကြည်ကြည့်လို့ ရနေသားပဲ။ ပြီးတော့ အရေးအကြီးဆုံး
တစ်ခုအနေနဲ့ " ငါတို့ " လို့ ပြောပြောနေပေမယ့် "ငါ" လို့ပဲ
အဓိပ္ပာယ်ရတယ် ဆိုတာ ငါတို့ သိနေကြတယ်။ ။
(၂၀၁၆- ဒီဇင်ဘာ)
COLDPLAY - The Scientist
အရာဝတ္ထုတွေထက် အရိပ်တွေက
ပို မြန်နေတဲ့ ကမ္ဘာကို ရခဲ့ပြီ ငါတို့
ပြတင်းပေါက်တိုင်းရဲ့ အပြင်ဘက်မှာ
"လွန်လေပြီးသော" ဟာ တပ်မက်စွာ
ပို မြန်နေတဲ့ ကမ္ဘာကို ရခဲ့ပြီ ငါတို့
ပြတင်းပေါက်တိုင်းရဲ့ အပြင်ဘက်မှာ
"လွန်လေပြီးသော" ဟာ တပ်မက်စွာ
ဇာတ်ဝင်ခန်းတစ်ခု
လူတစ်ယောက်
လူတစ်ယောက်
ဘယ်နှစ်ကြိမ်မြောက်မှာ ကိုယ့်ကိုယ်ကို
ပိုမိုကောင်းမွန်လာတယ်လို့ ခံစားမိအောင်
လုပ်ဆောင်ခြင်းကြီး အောင်မြင်လာမှာ ... ။ ။
Fairy Tale [" Fires at Midnight " by "Blackmore 's Night"]
နောက်ဆုံးတော့ အချိန် ကျ ပြီ
ကျွန်မ
တို့ မွေးထားတဲ့
မွန်းစတားတွေ အရွယ်ရောက်လာပြီး
ကျွန်မတို့နဲ့ အတူကစားတယ်
အယူသီးမှုနဲ့ ကြေကွဲမှုဟာ
မြို့ကို ထုပ်ပိုးထားတယ်
မေးခွန်းကို ဖြေမယ့် အစား
ကြည့်မှန်ဟာ အစိတ်စိတ် အမွှာမွှာကွဲသွားပြီး
ပြတင်းပေါက် တစ်ချပ်ဖြစ်လာတယ်
လမ်းသွားလမ်းလာတွေကို မြင်နေရပေမယ့်
တစ်ခုခု အော်ပြောခွင့်မရှိ။
မေ့ဖျောက်ခံထားရသူ ကြယ်တွေဟာ
မကျေနပ်စိတ်နဲ့ ကွယ်လွန်သွားပြီး
တစ္ဆေတွေ ဖြစ်လာတယ်
မြို့ရဲ့ လမ်းပေါ်အပြည့် တစ္ဆေတွေ။
ကျန်ခဲ့တဲ့ ဖိနပ်တစ်ဖက်ကို ကြည့်ပြီး ငိုမလား
နောက်တစ်ဖက်အကြောင်း တွေးရင်း
ရယ်မလား ဆိုတာ
တချို့အချိန်တွေမှာ သေရေးရှင်ရေးပဲ
ဒါပေမယ့် ကျွန်မတစ်ယောက်တည်း
မဟုတ်ဘူး ကျွန်မသိတယ်
ပြီးတော့
ဒီ အသိဟာ အမြဲ လုံလောက်တယ်လေ ။ ။
(၂၀၁၆ - ဇန်နဝါရီ )
- ဏေသစ်
No comments:
Post a Comment