အချိုး

သို့/

          ကိုယ့်မှာ အာမေဋိတ်တစ်ခု ရှိခဲ့တယ်။ အဲဒီ အာမေဋိတ်ဟာ မချစ်မနှစ်သက်သူနဲ့ အိမ်ထောင်ကျပြီး ရာသက်ပန်ဘဝအထိ အရိုးထုတ်သွားတယ်။ ကိုယ့်မှာ ရွက်သင်္ဘော တစ်စီး ရှိခဲ့တယ်။ အဲဒီရွက်သင်္ဘောဟာ သူ့ကိုယ်သူ ဆပ်ပြာပူဖောင်းပါလို့ ယုံကြည်နေခဲ့ပြီး ၊ တစ်နေ့နေ့ရဲ့ တစ်နေရာရာမှာ တစ်ခုခုနဲ့ တိုက်မိပြီး ဖောက်ခနဲ .... ။ ကိုယ့်မှာ မင်း ရှိခဲ့တယ် ။

    ငယ်ဘဝက သစ်ကိုင်းခြောက်တစ်ခက်နဲ့ မြေကြီးအလွတ်တစ်ခု။ ချဆွဲထားတဲ့ စည်းတွေများလာပြီး ဘေးနားက လူတွေ တဖြည်းဖြည်းနည်းသွားတာကိုမှ ကြီးကောင်ဝင်မှုရဲ့ သင်္ကေတလို့ ကိုယ် မတွေးဘဲ မနေနိုင်ဘူး။ မင်း အတွေး ၊ ပြီးတော့ မင်း သွေးတွေပေါ် ကျရောက်တဲ့ နေရောင်ခြည်ကို ကိုယ် ပုံဖော်နေခဲ့တဲ့ မြေသားရနံ့နဲ့ အကြမ်းရေးခြစ်မှုတွေ။ မင်းမပျော်နေတာကို ကိုယ် သိနေတယ်။ ကိုယ် ဒီလို သိနေတယ်ဆိုတာကို မင်း တွေးမိနေမှာ ဖြစ်ပြီး မင်းတွေးမိနေမယ်လို့ ကိုယ် ယုံကြည်နေခဲ့တာ။ အဝေးက ပို့လွှတ်လိုက်တဲ့ စိတ်ကူးတွေဟာ မင်းဆီ ရောက်ပါလေစလို့ ကိုယ် မျှော်လင့်နေစရာ အကြောင်းမရှိပေမယ့် မမျှော်လင့်ရဲစရာလည်း အကြောင်းမရှိ ။ ချားရဟတ်စီးနေရင်း အမြင့်က ကျဆင်းလာတဲ့ တလှပ်လှပ်အေးခဲမှုထဲမှာပဲ အမြဲ ကိုယ်နေထိုင်သွားမှာ ...။

         ကိုယ် ကျေနပ်နေမှာ ။

" ကိုယ်တို့ တစ်သက်လုံး
တစ်ယောက်ယောက်ကို တစ်ယောက်
ပြန်တွေ့ရချင်မှ တွေ့ရမယ်။
ဒါမှ မဟုတ်
ပြန်တွေ့ရချင်လည်း ပြန်တွေ့ရနိုင်တယ်။

နှစ်ခုလုံး ထပ်တူထပ်မျှ
ကြောက်စရာ ကောင်းပါတယ် "

မှ

####

မှ/

      အင်္ဂါနေ့ဟာ " ခင်ဗျားလို စုံထောက်မျိုး လက်ထဲမှာ အဖမ်းခံရတာ ဂုဏ်ယူပါတယ် " လို့ ခပ်ချာချာ စုံထောက်ကားတွေထဲက တရားခံရဲ့ စကားတစ်ခွန်းကို သံနေသံထားအမျိုးမျိုးနဲ့ လေ့ကျင့်နေတယ်။ ဘတ်စ်ကားဟာ ရူးသွပ်သွားပြီး ခရီးကို သူ့ပေါ် တင်ခေါ်လာတယ်။ ကျနော်ဟာ အချိန်ကာလ ဖြစ်တယ်။ ဘယ်တုန်းကမှ မရှိခဲ့ဘူး ဆိုတဲ့ စကားဟာလည်း ဘယ်တုန်းကမှ တကယ် မရှိဘူး။ ကြောက်မက်ဖွယ်ရာ ကိုကာကိုလာတွေ ။အဲဒီနောက် ....

      နာမည်ပြောင်းခေါ်ပြီး ယဉ်ပါးလာအောင် မွေးမြူထားခဲ့ရတဲ့ အထီးကျန်မှုမျိုး ကျနော်တို့မှာ ရှိကြတယ်။ ဇာတ်လမ်းအစထဲကို ပျောက်ရှခြင်းတစ်ခု ဝင်လာပြီး အသံမပေးဘဲ အစအဆုံးနေထိုင်တယ်။ ဒီ အချိန် ခင်ဗျားဘယ်လိုနေမလဲ မေးခွန်းကို သွေးအိုင်ထဲမှာ လဲကျနေတာ တွေ့တယ်။ အဝေးကြီးဟာ ဘတ်စ်ကားကို ထားခဲ့ပြီး နောက်ထပ် အဝေးကြီး တစ်ခုဆီ ထွက်သွားပြီ။ ဇာတ်လမ်းဟာ အစကတည်းက မရှိခဲ့ဘူးလို့ အင်္ဂါနေ့က အောင်မြင်စွာ ကြေညာလိုက်ပြီ။ အပြုံးတစ်ခုကို ချွတ်ချပြီး အချိန်ကာလကို ပစ်သတ်လိုက်နိုင်ပြီ။ "ဒါပါပဲ" လို့ ပြောဖို့ ဘယ်သူမှ ရှိမနေတော့ဘူး ။ 

" ကျောခိုင်းထားတဲ့ အခါ
အရိပ်ဟာ မှန်ထဲမှာ
ကိုယ့်ဘက် လှည့်ငေးနေမလားဆိုတဲ့
မလုံခြုံ အတွေးလည်း ပါကောင်းပါမယ်

ကိုယ် သတိရပါတယ် "

သို့

- ဏေသစ်