[ ပြီးခဲ့တဲ့ ဒီဇင်ဘာတုန်းက ခင်မင်ရင်းနှီးသူ ကဗျာဆရာ မိတ်ဆွေတချို့ကို အကူအညီတောင်းပြီး ကိုယ့်ကိုယ်ကို assignment တစ်ခု ပေးကြည့်ဖြစ်ပါတယ်။ သူတို့ ပေးလာတဲ့ ကဗျာ ခေါင်းစဉ်တွေနဲ့ ကဗျာရေးကြည့်ဖို့ ကြိုးစားတာပါ။ အခုတောင် အကုန်လုံး ရေးလို့ မပြီးသေးပါဘူး ]
ဒီခဏပြီးရင်
နောက်လာမယ့် ခဏက မင်းဘဝဆိုတာ
၁)
အဓိပ္ပာယ်ကို
နားမလည်ပေမယ့် ဟာသတစ်ခုခုလို့ သိလိုက်တယ်။ ဒီလိုနဲ့ ကျွန်တော်ရောက်ရှိနေခဲ့တာဟာ
နှစ်ဆယ့်သုံးနှစ်နဲ့ ။ ကော်ဖီကိုးဆယ့်ကိုးခွက်။ ပင်အပ်ပုံဆွဲထားတဲ့ မိုးပျံပူဖောင်းတစ်လုံး
လေပေါ်တက်သွားတယ်။ မီးပွိုင့်တွေ အားလုံးဟာ အဖြူအမည်းတွေ ဖြစ်ကြတယ်။ သူတို့က
ကျွန်တော့်ကို တစ်ခုခု ပြောစေချင်မှန်း ခံစားမိတယ်။ ကျွန်တော့်မှာ အသံရှိမနေဘူး။
Damn!
၂)
အိပ်မက်က
နိုးလာတယ်။ အဲဒီနောက်မှာ အိပ်မက်က နိုးလာခြင်းအမှုကို ထပ်တလဲလဲ ပြုလုပ်တယ်။
ငါရှိတယ်လေ၊ အဲဒီတော့ ငါ တွေးတာပေါ့ မင်းလည်း ဒီလိုပဲ မဟုတ်လား လို့ ဘေးက
လူကို လှမ်းမေးမယ် လုပ်ပြီးမှ ကျွန်တော့်မှာ အသံမရှိမှန်း သတိရလာတယ်။ ဒါပေမယ့်
ဘေးက လူဟာ ကျွန်တော်ပဲ ဖြစ်နေတော့ ငါလည်း အတူတူပဲလို့ ပြန်ဖြေတယ်။ သူ့မှာလည်း
အသံ ရှိမနေဘူး။
၃)
သာယာတဲ့
နေ့တစ်နေ့ ဖြစ်တာမို့ သေခြင်းတရားနဲ့ ပတ်သက်သမျှ အကြောင်းကို ရှုထောင့်အမျိုးမျိုးက
ဆင်ခြင်ကြည့်နေနိုင်ခဲ့တယ်။ လက်ထဲက စာရွက်မှာ " စိတ်ကူးဖြင့် ဖန်တီးထားသည့်
ကမ္ဘာကဲ့သို့သော အရာ " ဆိုတဲ့ အဘိဓာန်ဖွင့်ဆိုချက် ဆန်ဆန်စာသားတစ်ကြောင်းကို
တွေ့ရတယ်။ ဘယ်သူမှ မလုပ်ခိုင်းပေမယ့် စာကြောင်းမှာ ကွက်လပ်တစ်ခုခု လိုက်ဖြည့်နေမိတယ်။
____ ဖြင့် ဖန်တီးထားသည့် ကမ္ဘာကဲ့သို့သော အရာ၊ စိတ်ကူးဖြင့် ဖန်တီးထားသည့်
_____ ကဲ့သို့သော အရာ၊ စိတ်ကူးဖြင့် ဖန်တီးထားသည့် ကမ္ဘာကဲ့သို့သော _____ ။ တစ်ယောက်ယောက်
မိန့်ခွန်းပြောနေတဲ့ အသံကို ကြားတယ်။ သေနတ်သံတစ်ချက်ကို ကြားလိုက်ရပြီး
မိန့်ခွန်းပြောနေတဲ့ အသံပိုင်ရှင် ပြောင်းသွားတာကို ကြားလိုက်ရတယ်။ သိပ်မကြာခင်
သေနတ်သံ နောက်တစ်ချက် ထပ်ကြားလိုက်ရတယ်။
၎)
ကျွန်တော်နဲ့၊
ကျွန်တော်တို့နဲ့ က လွဲပြီး ဘယ်သူမှ ဘယ်အရာမှ ရှိမနေတော့တဲ့ ဟင်းလင်းပြင်ကြီးထဲ
ရောက်နေတယ်။ ရောက်နေကြတယ်။ " အဆင်သင့်ပဲလား" လို့ တခြား ကျွန်တော်က
မေးတယ်။ ဘယ်လိုပြန်ဖြေရမလဲဆိုတာ ကျွန်တော် ကောင်းကောင်းသိနေတယ်။ ကျန်တဲ့
ကျွန်တော်တစ်ယောက်လည်း ကျွန်တော့်လိုပဲ သိနေခဲ့တယ်။ ။
- ဏေသစ်
( ခေါင်းစဉ်ကို
" အာခီယာ " က ပေးပါတယ် )
-----------------------------------------------------------------------------------------------
Stepwells
အသံရဲ့ အသံ
ရဲ့ အသံ
ခြောက်ခြားနေတာ
အကြောင်းမဲ့တော့
မဟုတ်ဘူး
ငါ မြင်တယ်
မြို့ရဲ့
သြဇာဟာ
ငါတို့ အပေါ်
ကံဆိုးခြင်းတစ်ခုလို
အုံ့မိုး
နေခဲ့တာ
ရေဟာ တွေဝေတယ်
တုန်ခါနေတဲ့
တိတ်ဆိတ်မှုထဲ
တနင်္ဂနွေတွေ
တိုက်ခတ်နေတာ
ဆုတောင်းဟာ
ဆူပွက်နေတယ်
မြို့ဟာ
တစ်စုံတစ်ရာတွေကို
ရည်ရွယ်ချက်ရှိရှိ
ဖျောက်ဖျက်နေတာ
ငါ သိတယ်
ငါ သိနေတာကို
မြို့ကလည်း
သိ နေတယ်ဆိုတာကို
ငါ သိတယ်
ညတွေမှာ
အိပ်မက်ထဲကို ပလတ်စတစ်အိတ်အမည်းမျက်နှာဖုံးနဲ့ လူတစ်ယောက် ရောက်ရောက်လာပြီး
ကယ်တင်ခံရဖို့ အချိန်နီးလာပြီလို့ ပြောပြောသွားတယ်။ မနက်နိုးလာတဲ့ အခါတိုင်း
လှိုင်းတွေလေတွေကြား ဘာကြောင့်မှန်းမသိ ရောက်ရောက်နေတယ်။
- ဏေသစ်
(ကဗျာ ခေါင်းစဉ်ကို
Khantkyi Maung က ပေးပါတယ်)
-----------------------------------------------------------------------------------------------
လက်နက်ချချင်စိတ်ပေါင်း
တစ်သန်းနဲ့
ကိုယ်တို့တွေ
ကိုယ်တိုင်ဟာ
တခါတခါဆိုသလို
တရေးနိုးလာပြီး
ပြန်အိပ်မရတော့တဲ့
ည တွေ ဖြစ်သွားတတ်ကြတာပဲ
ရွှေ့ပြောင်းပင်လယ်တွေလို
လက်တံအတိုအရှည်တွေ
အရည်ပျော်
ဖြန့်ကျက်လို့
မရောက်ရှိနိုင်တော့မယ့်
မြို့ကြီးပြကြီးတွေနဲ့
ချစ်ကျွမ်းဝင်နေရသလိုလို
အတွေ့အကြုံတွေ
ရှိဖူးခဲ့ကြမယ်
ဒီ စကားတွေပေမယ့်
တခြားသူပြောတဲ့
အခါ
တခြား အဓိပ္ပာယ်တစ်မျိုး
ထွက်ချင်
ထွက်မယ်၊ ခက်မယ်၊
လွယ်မယ်
ဆိုတာနဲ့ ပတ်သက်ပြီး
ဘယ်သူက
ရွေးချယ်ခွင့်ရှိခဲ့လဲ
စက္ကူနဲ့ လုပ်တဲ့
စိတ်တွေ လှေလို
ခရီးထွက်သွားတဲ့
အကွာအဝေးနဲ့
ဘေးထွက်ပတ်ဝန်းကျင်အရပ်ဒေသ
အာသီသနောက်တစ်ခုဆီ
ရောက်တဲ့
အခါ နာမည်တစ်မျိုး ပြောင်းလဲပြီး
ဇာတ်မြုပ်နေထိုင်ကောင်းနေထိုင်မှာပဲ
အသွေးအသားရဲ့
အသက်ရဲ့
အသိစိတ်တွေရဲ့
အပ မှာ
နောက်တစ်ခါ
ရောက်မလာတော့မယ့်
အရာမှန်သမျှရဲ့
လက်ရှိဘဝအပေါ်
လွှမ်းမိုးချုပ်ကိုင်နေမှုကို
လွယ်လွယ်ကူကူ
မသိယောင်ပြုကြည့်တဲ့
အလေ့အထ
အပေါ် ဘာများ
ဆက်လက်တတ်နိုင်ကြလို့လဲ
ပြီးတော့လည်း
ဒါပဲလေ ... ။ ။
- ဏေသစ်
( ခေါင်းစဉ်ကို
ပိုင်ဉာဏ်က ပေးပါတယ် )
-----------------------------------------------------------------------------------------------
လက်ပြင်ကိုင်းသူ
မနက်ဘက်
နိုးလာတဲ့ အခါ
ဘာသာစကားသုံးလေးမျိုး
တတ်မြောက်နေတာပဲ ဖြစ်ဖြစ်၊
အသက်ရှင်လျက်
ရှိမနေတော့တာကိုပဲ ဖြစ်ဖြစ်
မျှော်လင့်တတ်သူတွေချည်းပါပဲ။
နေ့ဘက်တွေမှာ
မသိမှန်း မသိရတာတွေ
ညဘက်တွေမှာ
မသိချင်ပေမယ့် မသိခွင့် မရတာတွေ ...
လှပေမယ့်
မြေဆွဲအားဟာ ဖျားယောင်းတယ်။
ည နက်တိုင်း
နက်တိုင်း
ဘူးခွံအလွတ်ရဲ့
အမှောင်ထဲကို ငုံ့ကြည့်ပြီး
အသံတစ်မျိုးပြီး
တစ်မျိုးပေးကြည့်နေရတဲ့ အပေါ်
ဂုဏ်ယူစိတ်
ကို နာမည်တစ်မျိုးမျိး
ပေးထားတာ ရှိမှာပေမယ့်
မေ့နေခဲ့ပါပြီ။
အချိန်ကာလမှာ တကယ်အစွမ်းမထက်ပေမယ့်
အာနိသင်တစ်ခုရှိမယ်လို့
ယုံကြည်စေတတ်တာကိုလည်း
သဘောကျနေခဲ့ပါပြီ။
ဥပမာ - မနက်အိပ်ရာထတဲ့
အခါ
လက်ပြင်မှာ
အတောင်ပံတွေ ပေါက်နေတာကို
မြင်ရရင်
ဆိုတာမျိုး ။ ။
- ဏေသစ်
(ခေါင်းစဉ်ကို
ကိုမှူးနေဝန်းက ပေးပါတယ် )
-----------------------------------------------------------------------------------------------
ခြေတစ်ဖက်ဆာနေတဲ့
ကောင်မလေးဟာ ဘဝတစ်ခုလုံးကို မြိန်ရည်ရှက်ရည် စားသောက်ပြီးနောက် အိပ်ပျော်သွားခဲ့
ပေမယ့်
ကိုယ့် အရိုးနမူနာကို သူ ရ လိုက်တာပါပဲ။ ပြောရရင် ဒါဟာ ပုံပြင်တစ်ပုဒ်ထဲမှာ
ပါဝင်တည်ရှိနေတဲ့ ပုံပြောသူက နောက်ထပ်ပုံပြောသူ တစ်ယောက် ပါဝင်နေတဲ့
ပုံပြင်အကြောင်းကို ထပ်ပြောနေသလိုပေါ့။
ငှက်တွေ
သေတဲ့ အခါ အငွေ့ပျံပြီး လေဖြစ်သွားတယ်။ လေထဲမှာ ပုံပြင်တွေ ပါဝင်နေပေမယ့်
ပုံပြင်ထဲမှာ လူတွေ နေတဲ့ ခေတ်ကကုန်သွားပြီ။ အချိုးအကွေ့တွေမှာ အခိုးအငွေ့တွေလို
ကိုယ်တို့ ခဏခဏ ဆုံဖူး တာ။ "လွန်လေပြီးသော"တွေ ဓာတ်ကြိုးထဲ စီးဆင်းသွားပြီး
မီးလင်းလာခဲ့တာ။ ဒီ အတိုင်းဆို သောကြာနေ့တွေတိုင်းဟာ စုံဂဏန်းတွေ ဖြစ်နေတော့မှာပဲ
။
ခြေတစ်ဖက်ဆာနေတဲ့
ကောင်မလေးဟာ ဘဝတစ်ခုလုံးကို မြိန်ရည်ရှက်ရည် စားသောက်ပြီးနောက် အိပ်ပျော်သွားခဲ့တယ်။
ဘူတာရုံတိုင်းမှာ ထွက်ခွာသွားတော့မယ့် ငှက်အမျိုးမျိုးဟာ သံနေသံထားအမျိုးမျိုးနဲ့
နှုတ်ဆက်ကြတယ်။ ဒါပေမဲ့ ၊ တကယ်လို့များ လူကူးမျဉ်းကြားပေါ် နောက်တစ်ခါ ပြန်တွေ့တဲ့
အခါ ကိုယ် မင်းမျက်လုံးကို တွန်းဖွင့်ပြီးဝင်လာခဲ့မှာ။ မင်းရဲ့ အရိုးတွေ အဖြစ်
မင်းဆီမှာ ပြန်လည်ဝင်စားမှာ။ ဒါနဲ့များတောင် ရထားဥသြသံတွေမှာ ဘဝဟာ မ ဂဏန်း
ပဲ။
အရာရာကို
ကိုယ် ရခဲ့ပြီ။ အဲဒီလို ကိုယ်ရခဲ့ပြီလို့ ယုံကြည်နေတဲ့ စိတ်ကိုလည်း ရခဲ့ပါပြီ။
- ဏေသစ်
( ကဗျာ ခေါင်းစဉ်ကို
ဆစ်ခ် က ပေးပါတယ်။ စာသားတွေ တူနေတာ မရှိပေမယ့် ဒီ ကဗျာအပေါ်မှာ အဲဒီအချိန်က
ဖတ်ပြီး အရမ်းကြိုက်နေတဲ့ ကိုမောင်ဒေးရဲ့ " အစိမ်းရောင် စာအုပ်
" ဟာ အများကြီး သြဇာလွှမ်းမ်ိုးမှု ရှိတာ ဝန်ခံရမှာပါ )
-----------------------------------------------------------------------------------------------
ငါ့ကို နာကျင်မှုပဲပေးပါ၊
ရှိနှင့်ပြီး ဆိုရင်လည်း အနည်းဆုံးတော့ သူတို့ ပေါင်းစပ်ရတာပေါ့
ပျက်စီးနေတဲ့
ဂြိုဟ်တွေရဲ့ နောက်ဆုံးပေါက်ကွဲလွင့်စင်မှုတွေကို ငါတို့ ထိုင်ငေးကြတယ်။
စင်ကြယ်မှုအပေါ် မျက်နှာမလွှဲနိုင်ခဲ့တဲ့ သွေးထွက်သံယို အစိတ်အပိုင်းတွေ၊ ခေါင်းပြတ်ရက်သားနဲ့
စူးစူးဝါးဝါးအော်ဟစ် အပြေးလာနေတဲ့ မိုးတဖွဲဖွဲ ရထား။ ရ ထားပြီးသမျှကို စွန့်လွှတ်ဖို့
ဆိုတာ အစိပ်စိပ်ကွဲကွာ ဖျားနာနေပြီးတဲ့ စိတ်မျိုးနဲ့မှ ဖြစ်မယ်လို့ တစ်ယောက်ယောက်က
တိုက်နေတဲ့ လေလို အသံမျိုးနဲ့ အေးအေးညင်းညင်း ပြောနေတယ်။ ဒါပေမဲ့ ငါ့ကို
နာကျင်မှုပဲပေးပါ၊ ရှိနှင့်ပြီး ဆိုရင်လည်း အနည်းဆုံးတော့ သူတို့ ပေါင်းစပ်ရတာပေါ့။
ငါတို့ရဲ့ လက်နှစ်ဖက်ကို ချိတ်ဆက်မပျက် တွဲလျက်ထား၊ ကျန်တဲ့ ခန္ဓာကိုယ် အစိတ်အပိုင်းတွေကို
လက်ကောက်ဝတ်က ဖြတ်တောက်ထုတ်ရင်း အဲဒီက ထွက်သွားလိုက်တော့။ မင်းသတင်းပေးပို့တဲ့
ညအနက်ကြယ်တွေကို ငါ့ ကမ္ဘာက စောင့်ကြပ်နေမယ့် အလင်းနှစ်တွေလို ရူးနှမ်းမှုမျိုးနဲ့
သက်ဆိုး ရှည်ဖို့ အားမွေးနေတဲ့ စွန်းထင်းစိတ်ကို ငါ တသိမ့်သိမ့် ပွေ့ပိုက်ထားမှာပေါ့။
မင်းအိပ်ပျော်နေချိန် ခြေရင်းမှာ လာရပ်ငေးနေမယ့် မင်းမကြားနိုင်တဲ့
စကားသံလိုလို အရာတစ်ခုက အခု လူ့အယောင်ဆောင်ရင်း ဒီ အတွေးတွေကို တွေးနေခဲ့တာ။
ငါကြောက်နေသမျှအရာမှန်သမျှနဲ့ ဖက်လှဲတကင်း ရင်းနှီးရင်းပေါ့ ငါ ကြီးကျယ်ခမ်းနားသော
အပျက်အယွင်းများကြားက အရိပ်လိုလို အရောင်ပါ ဒါဟာ ။ မသိတဲ့ လူတွေ အဆောက်အအုံတွေ
ကြား မင်းလည်း အမှုန်အမွှားအဖြစ် လွင့်လွတ်သွားတော့မှာ၊ မဟုတ်လား။ တခြားသော
အပြိုင် စကြဝဠာတွေမှာ တခြားသော ငါတုိ့တွေ အလားတူ ဖြစ်တည်နေမှာလား၊ ပေးဖြစ်မယ်
မဟုတ်မှန်းသိသိ ရေးမိတဲ့ စာတွေနဲ့ အတူ သူလိုကိုယ်လို သံလမ်းအချိုးအဆက် အေးစက်တွေဟာ
နှစ်ကာလတွေ အဆက်ဆက်လား၊ တက်လာတဲ့ ရေပွက်တွေမှာ အဖျားငွေ့ဟာ အဆက်မပြတ်ပဲ။
။
ဏေသစ်
(ကဗျာခေါင်းစဉ်ကို
ကိုဇာတိ က ပေးပါတယ် )
-----------------------------------------------------------------------------------------------
စစ်နဲ့ ငြိမ်းချမ်းရေး
အခုရောက်နေတာ
မနက်ငါးနာရီ လေးဆယ့်ငါးမိနစ်နဲ့
တကယ်မရှိခြင်းကြားက
အမှတ်စက်တစ်ခုပဲ
ပိုင်နက်သတ်မှတ်ချက်တွေကို
ငါတို့ လိုအပ်သလိုမျိုး
အကြောင်းပြချက်တွေက
ငါတို့ကို လိုအပ်တယ်
ဆက်သွယ်မှုမှန်သမျှ
အဖြူ ၊ ဒါမှ မဟုတ်ရင်
အရောင်မရှိဖို့
လိုတာမျိုး ၊ သေစာနဲ့ ရှင်စာကို
ဖတ်သူက
ခွဲခြားတယ်
ခေါင်းပြတ်သွားတဲ့
လူရဲ့ လည်ပင်းက
လက်တစ်ဖက်ပေါက်လာပြီး
လက်ဟန်ခြေဟန်နဲ့
မြို့ကို စကားပြောတယ်
လက်ဟာ ဘာကိုမှ
ကိုယ်စားမပြုဘူး
လက်ထဲကနေ
ထပ် လွှတ်ချခံနေရတာက
နောက်ထပ်
လက်တွေ
ပုံရိပ်တစ်ခုချင်းစီမှာ
ပိုမိုထင်ရှားလာတဲ့
အမှတ်အသားကတော့
အပြုံးပဲ
၊ ဝမ်းနည်းလာတဲ့ အခါ လုပ်ရမှာကလည်း
ဘဝရဲ့ ကွေးကောက်နိုင်စွမ်းကို
မေးခွန်းထုတ်ဖို့ပဲ
ကိုယ့်ကို
နာမဝိသေသန တစ်ခုခုနဲ့
တွဲသိလာစေဖို့
အားထုတ်နေမှုမျိုး ၊
နောက်ဆုံးတစ်ခေါက်
လူမှားနှုတ်ဆက်ခံရတဲ့
အချိန်ကာလ
၊ ဆုတံဆိပ်တွေမှာ
ရောင်ပြန်ဟပ်လာတဲ့
ကိုယ့်ပုံရိပ်ဟာ
တစ်ခုခုကို
ကြိုတင်ကြေကွဲနေခဲ့သလို
ထင်ယောင်မှတ်မှားမှု
လက်တွေဟာ
ပိုမိုရှည်လျားဆန့်တန်းလာပြီး
နေကို ဝိုင်းဆုတ်ဖြဲ
စားသုံးလိုက်ကြတယ်
ဒါဟာလည်း
လိုအပ်ချက်တစ်ခုပဲ
ပိုမိုကြီးမြတ်တဲ့
အရာတိုင်းက
ဒီနေ့နဲ့
မနေ့ကကို ကွဲပြားစေတာချည်းပဲ ။ ။
- ဏေသစ်
(ခေါင်းစဉ်ကို
ပိုးတုံးလုံး က ပေးပါတယ်)
No comments:
Post a Comment